loader
Г.Мөнхцэцэг: Соёлын салбараасаа гар татдаг төр улс хаана ч байдаггүй

Г.Мөнхцэцэг: Соёлын салбараасаа гар татдаг төр улс хаана ч байдаггүй

Улсын Их Хурлын Боловсрол, соёл, шинжлэх ухаан, спортын байнгын хорооны дарга Г.Мөнхцэцэг өчигдөр /2022.09.21/ соёл, урлагийн зарим байгууллагын үйл ажиллагаа, бүтээн байгуулалтын ажлын явцтай газар дээр нь очиж танилцлаа.

Мөн салбарын сайд Ч.Номин болон албаны бусад хүмүүстэй уулзаж энэ салбарын тулгамдсан асуудал, төсөв, хөрөнгө оруулалтын асуудлыг ярилцлаа.

Уулзалтын үеэр Байнгын хорооны дарга Г.Мөнхцэцэг, Соёлын салбараасаа гар татдаг төр улс гэж хаана ч байдаггүй. Соёлын бодлого бол тухай улс орны өв түүхийн хэлхээг улам батжуулж байдаг нэгэн цөм хүрд. Монгол Улсын соёл, урлагийн  өв, дархлаа бол үндэсний эрх ашиг, аюулгүй байдлын язгуур үндэс. Соёл урлагийн байгууллагаар дамжуулан бүтээлч үйлдвэрлэл өрнөж, соён гэгээрүүлэх ажлыг эрчимжүүлэх нь, улсын тусгаар тогтнол, үндэсний аюулгүй байдлын илэрхийлэл гэж миний хувьд ойлгодог. Тиймдээ ч УИХ-ын Боловсрол, соёл, шинжлэх ухаан, спортын байнгын хороог тэргүүлж байгаа хүний хувьд энэ салбарын бүтээлч үйлдвэрлэлийг хөгжүүлэх, хөрөнгө оруулалтыг татах гол бодлогод анхаарах ёстой гэж үздэг хэмээв.

2022 оны улсын төсөвт, Соёлын яаманд 155 тэрбум төгрөг төсөвлөсөн боловч, хоёр удаагийн төсвийн хэмнэлт болон тодотголоор 50 гаруй хувийг нь танаж 75 тэрбум төгрөгийн хөрөнгө оруулалтыг суулгасан  гэдгийг сайд Ч.Номин танилцуулав.

Мөн өдөр Байнгын хорооны дарга Дуурь бүжгийн эрдмийн театр, Чойжин ламын сүм музейн сэргээн засвар, тохижилтийн ажилтай газар дээр нь танилцлаа. 2023 оны төсөв хэлэлцэж эхлэх гэж байгаа энэ үед соёлын салбарт тулгамдаж байгаа асуудал, гарц шийдлийг Соёлын сайд Номин болон албаны бусад хүмүүстэй ярилцав. Соёлын байгууллагуудын томоохон бүтээн байгуулалтын ажлууд эхэлсэн гэдгийг Байнгын хорооны дарга Г.Мөнхцэцэг дурдаад үүнийг урагшлуулахын тулд бодлогын зөв тохируулга чухал гэдгийг онцоллоо хэмээн Боловсрол, соёл, шинжлэх ухаан, спортын байнгын хорооны ажлын албанаас мэдээллээ.


foto
Нийтлэгч: Web Admin

Сэтгэгдэл үлдээх

Холбоотой мэдээ

ТҮС # ТАС

Буудлагын ДАШТ: 25 метрийн дасгалд Монголын тамирчид алт, мөнгө, хүрэл медаль хүртлээ

Египетийн Каир хотноо болж буй буудлагын спортын насанд хүрэгчдийн 53 дахь удаагийн ДАШТ-нээс манай тамирчид алт, мөнгө, хүрэл медаль хүртлээ.Эмэгтэйчүүдийн том калибрын гар бууны 25 метрийн дасгалд е

“Нүүдэлчин Монгол - 2022” соёлын биет бус өвийн Их наадам болно

Соёлын биет бус өвийн долоон ай савын 362 өвийн төрөл зүйлийн хүрээнд 2022 оны 8 дугаар сарын 12-14-нд “Горхи-Тэрэлжийн байгалийн цогцолборт газар”-т “Нүүдэлчин Монгол - 2022” их наадам зохион байгуу

Эрдэнэ Зуу хийд, Хар бухын балгас, Хөшөө цайдам музей, Шанхын баруун хүрээнд ажиллав

Соёлын Өвийн Үндэсний Төв, БНСУ-ын Соёлын өвийн судалгааны үндэсний хүрээлэнтэй хамтран “Монгол Улсын архитектурын соёлын өвийн хадгалалт хамгаалалтын байдлын газар дээрх судалгаа” төслийг хэрэгжүүлж