loader
“Сендайн дунд хугацааны тайлан” сэдэвт үндсэн хуралдааныг Монгол Улсын Шадар сайд С.Амарсайхан нээж үг хэллээ

“Сендайн дунд хугацааны тайлан” сэдэвт үндсэн хуралдааныг Монгол Улсын Шадар сайд С.Амарсайхан нээж үг хэллээ

Австралийн Холбооны Улсад зохион байгуулагдаж буй Ази, Номхон далайн орнуудын сайд нарын бага хуралд бүс нутгийн 40 гаруй орон болон олон улсын байгууллагуудын төлөөлөгчид оролцож байна. Тус хурлын “Сендайн дунд хугацааны тайлан” сэдэвт үндсэн хуралдааныг Монгол Улсын Шадар сайд С.Амарсайхан нээж үг хэллээ.
Тэрбээр илтгэлдээ “Ази-Номхон далайн түншлэлийн форумаар 2021-2024 онд хэрэгжүүлэх Ази-Номхон далайн бүс нутгийн гамшгийн эрсдэлийг бууруулах арга хэмжээний төлөвлөгөө 2021 онд батлагдсан. Уг төлөвлөгөөний дагуу бид гамшгийн эрсдэлийг бууруулах чиглэлээр хэрэгжүүлж буй арга хэмжээг КОВИД-19 цар тахлын нөхцөл байдалд шинэ арга барилаар өөрчлөн хэрэгжүүлэх, өргөжүүлэх, сайн туршлага, шинэ инновацыг нэвтрүүлэхэд зорьж байна.
Дээрх баримт бичгийн хүрээнд хэрэгжүүлсэн арга хэмжээнүүд улс орнуудын боловсруулж буй дунд хугацааны тайлан илтгэлд тусна гэдэгт илтгэлтэй байна.
Гамшгийн эрсдэлийг бууруулахад хүн бүрийн үүрэг оролцоо чухал. Иймд гамшгийн эрсдэлийг бууруулах үйл ажиллагаанд оролцогч бүх талууд ялангуяа, иргэний нийгмийн байгууллага, шинжлэх ухаан судалгааны байгууллага, бизнесийн болон хувийн хэвшлийн байгууллага улс орны гамшгийг даван туулах чадавхыг бий болгоход ихээхэн оролцоотой. Оролцогч талуудын 2015 оноос хойш хэрэгжүүлсэн санал санаачилга, судалгаа, техник технологи, инновац, ололт, хүндрэл бэрхшээл, цаашид талуудын анхаарах бүх арга хэмжээг энэхүү дунд хугацааны тайлан илтгэлд тодорхойлон оруулж байгаа гэдэгт эргэлзэхгүй байна.

Ази, Номхон далайн бүсийн гамшгийн эрсдэлийг бууруулах, түншлэл хамтын ажиллагааг бэхжүүлэхэд Монгол Улсын Засгийн газар бүс нутгийн улс орнуудтай цаашид ч бүх талаар хамтран ажиллахдаа таатай болно” гэсэн юм.

Мөн тэрбээр Ази, Номхон далайн орнуудын гамшгийн асуудлаарх сайд нар, Төлөөлөгчдийн тэргүүн нарын дугуй ширээний уулзалтад оролцон Монгол Улсын Засгийн газраас гамшгийн эрсдэлийг бууруулахад хууль эрх зүйн болон бүтэц зохион байгуулалтын чиглэлээр авч хэрэгжүүлж байгаа арга хэмжээнүүдийг танилцуулснаас гадна бүс нутгийн хэмжээнд хамтран авч хэрэгжүүлэх ажлуудын талаар санал бодлоо хуваалцлаа. Бага хурлын үйл ажиллагаа үргэлжилж байна.
foto
Нийтлэгч: Сэтгүүлч Web

Сэтгэгдэл үлдээх

Холбоотой мэдээ

ТҮС # ТАС

МҮБХ: Г.Өсөхбаяр аварга А.Сүхбат аваргын дээр эрэмбэлэгдэнэ

Тулгар төрийн 2230, 2231, Их Монгол Улсын 815, 816, Үндэсний эрх чөлөө, тусгаар тогтнолоо сэргээн мандуулсны 110, 111, Ардын хувьсгалын 100, 101 жилийн ой, Үндэсний их баяр наадмаар хүчит 1,024 бөх ба

Есдүгээр сард 2.4 тонн үнэт металл худалдан авсан байна

Монголбанк 2022 оны 9 дүгээр сард 2,416.4 кг үнэт металл худалдан авч, оны эхнээс өссөн дүнгээр 15.0 тонн үнэт металл худалдан аваад байна. Энэ нь өмнөх оны мөн үетэй харьцуулбал 1 хувиар өссөн үзүүлэлт байна.

Улаанбаатарт халдварын 83, орон нутагт 87 тохиолдол бүртгэгдэв

Өнгөрсөн хоногт улсын хэмжээнд хийсэн шинжилгээгээр коронавируст халдварын 170 тохиолдол шинээр батлагджээ. Энэ нь өчигдрийнхөөс 34 тохиолдлоор нэмэгдсэн үзүүлэлт юм.ЭМЯ-ны мэдээлснээр, шинээр илэрсэн